Sukes (YIVO)
Beitragsseiten
SUKES1 - Das Laubhüttenfest
Oy(a)f morgn nokh yom-kiper2 vartn mir oy(a)f a sheliyekh3 fun got. Er muz dokh kumen nokh undzere nekhtike4 tfiles5 un trern6.
Fort arayn in hoyf a poyer7 mit a vogn skhokh8. Er kert iber dem vogn. Shtekhendike tsvaygn faln anider, leygn zikh on eyne oyf di andere.
Der hoyf vert vi a vald. S' shmekt9 mit smole10, mit sosne11. Der s'khokh iz frish, vi ersht nokh a regn. Vi groyse ruendike foyglen lign di tsvaygn un es geyt fun zey a reyekh12, vi a gezang.
Farkrikht men oy(a)f dem barg s'khokh, git er a krekhts un a boyg unter di fis. Tut men zikh oyf im a vig, falt der barg ingantsn ayn.
"Vos tapestu13 dem s'khokh?" loyfn on di brider mit a geshray. "Meynst, s'iz hey? S'iz dokh far der suke!"
Zey shlepn aroys di tsvaygn fun unter mayne fis. Yeder tsvayg git zikh shver a hoyb fun der erd, treyselt zikh op14 mit di shtekhelekh.
Ikh helf aribertrogn dem skhokh in der suke arayn. Di suke iz nokh nisht fartik. Ersht tsunoyfgeshtelt di vent fun lange bretter, zey tsunoyfgeklapt mit tshvekes15. Der dakh iz ofn. Der himl kukt ahin arayn. Di brider krikhn aroyf oyf leyters16, shteln zikh oyf shtuln un derlangen eynem dem andern di tsvaygn skhokh, gibm zey a treysl vi a lulev17.
Di tsvaygn varfen zikh, vi fekhers funander. Bald vert di suke badekt, vi a kop mit a hitl. Shteyt di suke in mitn hoyf , reytst und ruft, vi a shtibl in mitn vald.
Der skhokh oyf ir ingeleygt azoy gedikht, az keyn shterndl funem himl vet nisht durkhloykhtn dos tunkl grins. Iz in der suke kil un finsterlekh. Nor durkh di lekhlekh fun di vent krikht durkh kayklekh18 likht. Un dos pintl19 likht blitst treyslendik, matert zikh20 durkhkrikhn in suke arayn.
In der mitn fun der suke hot zikh oysgeshtelt a langer tish mit benklekh. Nishto keyn dil. Hoyle21 erd unter di fis. Di fislekh funem tish un fun di benklekh shtekn in der faykhter erd, vos klept zikh tsu di fis.
Mir geyen nisht avek fun der suke. S' dukht zikh undz, mir zaynen dortn oy(a)f a datshe. Mir tsiyen zikh oys22 oy(a)f di benklekh, yogn zikh, khapn iber di kayklekh likh, vos loykhtn durkh di vent, un mit farrisene kep kukn mir oy(a)f dem dakh mit skhokh, vi s'volt geven a himl mit shtern. Mir tsitern oyf, ven s'falt oy(a)f undz arop a tropn toy.
Mir tsezingen23 zikh, vi mir voltn onzogn alemen, az di suke iz shoyn fartik, der yontev iz shoyn do.
Fun der shtub shtekt men zikh fun di fentster aroys: "ze, di suke iz shoyn fartik!"
Mitamol lozt emetser24 aroys a geshray: "Kinder, der shames25 hot gebrakht dem lulev fun shul26!"
Mir gibm zikh a vorf27 in shtub arayn. Di shtub iz oykh an andere gevorn. S' shmekt mit hoyshaynes28. Mit bleterlekh iz ongevorfn der dil un zey farshmekn di gantse shtub. Un vo iz der lulev?
Ot shteyt er in vinkl-fentster. Shteyt azoy elnt, zikh tsugeshpart tsu der shoyb. Der kop ayngeboygn on a zayt, vi er volt a kuk ton durkhn gloz, tsi loykht do nisht a shtikl himl fun zayn land. Zayne lange shmole bleter haltn zikh tsugeprest eyne tsu di andere. Ikh gey tsu tsu dem lulev. Kh'hob moyre29 zikh tsurirn tsu im. Zayne shpitsn - oysgeshleyft, vi ashpits fun a shverd.
"gib mir a treysl ton dem lulev!" - bet ikh zikh bay di brider.
"nokh far dem tatn?"
"kh' vel nor zen, ts er iz a lebediker."
Der lulev shoklt zikh in mayne hent. Ikh treysl zikh im ineynem. Er blozt oy(a)f zikh aleyn a vindl. Mir dukht zikh, kh'bin in erets-yisrol, unter shtarbndikn palm-boym. Vi iz gekumen aher der lulev?
"Abrashke, vi meynstu?" shtey ikh tsu30 mayn bruder. "iz der lulev aher gekumen fun erets-yisrol? Vos trakhstu31, iz er dortn geven - a boym, tsi a tsvayg, vos me hot opgerisn fun a boym? Ver hot im aher aribergebrakht?"
"Vos iz haynt, peysekh32, vos du fregst kashes33."
Der bruder veys aleyn nisht, vil er zikh oysdreyen34 fun mir.
"Her, ikh meyn," zogt er, "der lulev hot zikh aleyn aroysgerisn fun der erd. Im hot zikh farvolt35 a kuk ton, vos es tut zikh oy(a)f der velt. Iz er antlofn fun der heym un in eyn nakht," shtilt ayn36 der bruder zayn kol37, vi er volt zikh aleyn dershrekn, "in eyn nakht iz er oysgevaksn ot do, bay undz oy(a)fn fentster."
Ikh volt im gloybm, nor kh'vil nisht, er zol zayn ale mol gerekht38.
"Men hot im dokh ersht gebrakht fun shul!" dermon39 ikh zikh.
"Un vos vestu zogn, az men hot dem lulev ayngevikelt in shtroy, im ayngepakt in a groysn, hiltsernem kastn? Ikh hob gezen, oy(a)f der ban firt men azoy ariber skhoyre40."
"Oy, gey, der lulev fort ineynem41 mit ale treyfe42 skhoyres? Der rebe volt dir shoyn gegebm a patsh43, vi du redst vegn dem lulev. Un ze, farvos44 iz er azoy frish un grin? Er volt zikh dokh gedarft dershtikn in zayn kastn."
Ikh gib nokh amol a tap45 dem lulev. Zayne dine, glate bleter tsitern oyf, vi lange strunes46 fun an ongerirten harfe.
"Vart, lulev," treyst ikh im, "ot bald vet kumen der tate, vet er dikh nemen in hent, vet makhn oy(a)f dir a brokhe47, vet nisht zayn dir azoy kalt un fremd bay undz."
Un vu iz der esrog48?