Sukes (YIVO)
Beitragsseiten
Der geler49 esrog, a grober50, a groyser hot zikh fonandergeleygt vi a pare51 oy(a)f a veykh geleger52 in der mitn fun der zilberner tsuker-pushke53. Onshtot dem tsuker, vos me hot aroysgenumen, shtekt fun dem der esrog, vi a keyser aleyn. Fun vanen54 hot er zikh genumen? ...
Ot geyt shoyn der tate in shtub arayn. Di brider hinter im.
"Kumt, lomir geyn bentshn55 lulev!"
Der tate git a vorf a blik oy(a)f dem lulev, oy(a)f dem esrog. Nemt dem esrog fun zayn geleger aroys un leygt im tsu tsum lulev. Zey tulyen56 zikh eyns tsum andern. Zey zaynen dokh fun eyn land.
Un der tate, mit aropgelozte oygn, mit a brokhe oy(a)f a kol, vi er volt shvern a shvue57, git a tsi dem lulev in der hoykh, lozt im arop, leygt im tsu tsum hartsn, nemt im op, tut im a shokl in eyn zayt, in der anderer.
Der lulev boygt zikh, treyslt zikh. Zayn kop shokelt zikh. Zayne lange bleter tsiyen zikh vi aleyn oys in betndike hent.
Un vi der tate shtelt zikh op, klaybt der lulev glaykh tsunoyf zayn oyfgetsiterten guf58.
"Na, vilst bentshn lulev?" git der tate im iber dem eltstn bruder.
Der lulev git ariber fun hant tsu hant. Ale zeks brider hobm zikh ongevorfn oy(a)f im, treyslen, brekhen im. Shtekhn zikh mit im, wi mit a shverd. Koym a lebendiken shtelt men dem lulev tsurik anider oyfn fentster.
Di fartike suke shteyt un vort a gantsn tog, ven vet men shoyn tsu ir arayn (kumen) esn. Far dem tog hot zi zikh ongezapt59 mit skhokh, oysgetrinkt di vent, getrinkt di faykhte erd unter di fis.
Tsum ovnt tuen60 on der tate mit di brider zeyere mantlen, vi zey voltn zikh geklibm61 avekgeyen fun der heym. Zey zaynen esn vetshere62 in der suke.
Nisht di mame, nisht ikh, nisht di kekhin geyen ahin arayn. Afile63 dem tatns kidush64 hobm mir, zalbedrit65, oysgehert bay der tir fun der suke.
Un dos esn derlangt men in suke durkh a fentsterl, vi durkh a lokh arayn, eyn teler nokh an andern. Di brider konen taynen66, az di telerlekh mit dem esn kumen zey glaykh fun himl arop.
Gibm zey nor nisht a trakht vegn undz, voz zaynen ibergeblibm aleyn in shtub? In der shtub iz kalt. Si iz vi a puste65, vi on tir un fentster. Mir zitsen zalbenand68 mit der mamen un esn on hanoye69.
"Mame, farvos zaynen nor mir aleyn ibergeblibm do mit di dinstn70, vi mir aleyn voltn geven dinstn? Vos iz dos far a yontev, mame?" Ikh shtey nisht op71 fun ir. "Farvos esn zey bazunder?"
"Akh, kinditshke72, zey zaynen dokh mantsbiln73" shlingt di mame aleyn umetik74 arop ir kaltn bisn fleysh.
Plutsem vert a tuml75 in kikh. Di dinstn loyfn hin un krikhn fun hoyf in shtub arayn.
"Baleboste76, s'hot zikh ongehoybm77 a regn!"
"Trog zey glaykh arayn dos gantse esn, zey zoln konen gikher78 opbentshn79!" fartumelt80 zikh oykh di mame.
Ikh bin tsufridn, vos s' regnet in mitn der vetshere. Far undz mit der mamen iz der yontev azoy umetik!
Mit amol - a trask81, a duner. Ikh kuk durkhn fentster, tsi hot zikh nisht tseshotn82 di suke. Zi fargist83 zikh mit vaser,
In eyn rege84 hot zikh dos skhokh durkh geveykt85, gevorn flakh un moger. S'rint in der suke oy(a)fn tish. S' rint fun dem skhokh, s' rint fun di vent. Di dinstn loyfn arum mit ibergedekte teller in di hent. Der regn klapt iber di teler, vi er volt zey veln oy(a)fdekn.
In dem roysh fu dem regn derhert zikh dem tatns bentshn. Di briders hoykhe shtimen tukn86 zikh in in dem regn arayn.
Un eyne nokh di andere, mit ongeshtelte kolners87, loyfn zey fun der suke aroys. Mir kukn zey on, vi me volt zikh lang nisht gezen. Zey faln in shtub arayn, vi ongekumene fun an ander velt.
Loyfn durkh azoy di par teg. Ot nemt men shoyn ingantsn di suke fanander88. Men shlept aroys a bret nokh a bret. Di vent faln ayn. Der skhokh falt arop, tsekrikht zikh unter di fis. Der hoyf vert ful mit shtekhelelkh.
Di suke farshvint, vi keyn mol nisht geven. Dem lulev nemt men fun fentster arop.
"Ze, vos es iz mit im gevorn?" lakhn im oys di brider. – vi an alter zakn89, oysgetriknt on tseyn."
"Flekht mir kotsh90 oys," bet ikh zik, "epes a tsanke91 far mir, a kerbele, tsi vos92!"
Nemt zikh der bruder aron far der arbet. Er hot lange, flinke finger. Rayst er op fun lulev a blat nokh a blat. Yedem blat mit a svistsh93, git zikh a boyg. Dem bruders finger shpringen94 unter, kritsn oys95. Do shnaydn zikh on shmale bendlekh, do farflekhtn zey zikh tseplekh. Eyns in andern arayn un fartik ... oysgekintselt a kerbl, a multerl96, a tishl, tsi97 a shtul. Fun dem hoykhn lulev blaybt iber a hoykher shtekn.
Un oy(a)f dem esrog hot men nor fargesn. Di kekhin hot genumen un im arayngevorfn in a fan zudike98 vaser, hot zikh im opgebrit lebedikerhayt. Fun im, dem grobn, hot zikh oysgekokht a telerl gedikhte zaft.
S'git a tsi di neshome99. Zikh oysgekokht der yontev.
Zol shoyn gikher kumen simkhes-toyre100, ven di gantse shtot, dukht zikh, vet kumen tsu undz tsu-gast.